काठमाण्डू, १९ कातिकः संचार तथा सूचना प्रविधिमन्त्री जगदीश खरेल सरकार निर्धारित तिथिमे निर्वाचन सम्पन्न करएजँका क्रियाशील भेलासँ अइमे सहयोग होबएबला समाचार सामग्रीकेँ प्राथमिकता देबाक लेल आग्रह केलैन अइछ ।
मङ्गलदिन सिंहदरबारस्थित संचार मन्त्रालयमे सरकारी स्वामित्वमे भेल संचारमाध्यमक सम्पादकीय नेतृत्वसँ बातचित करैत ओ अइ काजमे सरकारी संचारमाध्यमके आओर जिमेवार आ जवाफदेही होबाकपर जोड़ देलैन ।
मन्त्री खरेल सरकारक प्राथमिकतामे भेल निर्वाचन, सुशासन, भ्रष्टाचार नियन्त्रण तथा ‘जेनजी’ पुस्ताक भावना अनुसारक ‘कन्टेन्ट’ सम्प्रेषण करबा लेल आग्रह केलैन । “सरकार निर्वाचन, सुशासन आ जेनजीके आवाजकेँ संबोधन करबा लेल क्रियाशील छै । अइमे सबके सहयोगक लेल सरकार चरणबद्ध रुपमे राजनीतिक दल, नागरिक समाज, संचारकर्मीलगायतसँ बातचित आ संवाद क सहजीकरणमे लागल छै”, ओ कहलैन,“अइमे आमसंचार माध्यमक आओर बेसी भूमिका छै । सरकारी संचार माध्यमके आओर जिमेवार रुपमे निर्वाचनक माहोल बनाबए आ उत्पन्न परिस्थितिके सहज रुपान्तरणक लेल भूमिका निर्वाह करबाक चाही । ओइ लेल अहाँसबसँ हमर आग्रह अइछ ।”
निर्वाचनक माहोल बनाबए सरकार राजनीतिक दल आ ‘जेनजी’ प्रतिनिधिसँ निरन्तर संवाद आ अन्तरक्रिया क रहल अइछ । प्रधानमन्त्री सुशीला कार्कीके आह्वानमे इएह कात्तिक १२ गते सरकार, राजनीतिक दल आ जेनजी प्रतिनिधि बीच संयुक्त बातचित भेल छल । कातिक ४ गते सरकार आ राजनीतिक दल बीच बातचित भेल छल । ई बातचितसँ निर्वाचनक लेल सकारात्मक वातावरण उत्पन्न भेल मन्त्री खेरेलके कहब छैन ।
सरकारक प्रवक्ता सेहो रहल मन्त्री खरेल निर्वाचन केन्द्रित भ विभिन्न संचारमाध्यमक प्रतिनिधि सङक बातचितकेँ प्राथमिकतामे राखने बतौलैन । “फागुन २१ गतेके निर्वाचन सफलतापूर्वक सम्पन्न करबा लेल सरकार सब तरहक तैयारी क रहल छै । निर्वाचनक माहोल बनाबए राजनीतिक दल आ जेनजी प्रतिनिधि सेहो सकारात्मक आ प्रतिबद्ध छै”, ओ कहलैन,“इएह विषयवस्तुकेँ प्राथमिकतामे राइख समाचार, तस्बिर, श्रव्यदृश्यलगायत सामग्री प्रसारण/प्रकाशनक लेल अनुरोध अइछ ।”
परिवर्तित सन्दर्भमे सरकारी संचारमाध्यमद्वारा निर्वाह कएल गेल भूमिकाके सराहना करैत ओ ‘जेनजी भ्वाइस’ शीर्षकमे जेनजी सहिद, घायल व्यक्ति आ पीड़ित परिवारक पीड़ा, वेदना आ समस्याकेँ बारेमे समाचार, श्रव्यदृश्यलगायत सामग्री प्रकासन प्रसारणक लेल आग्रह केलैन ।
बतचितमे सरकारक चारो संचारमाध्यमक प्रतिनिधि निर्वाचनसहित सरकारक गतिविधि, सुशासन, जेनजीके सरोकार आ प्राथमिकता, आर्थिक विकासलगायत विषयकेँ प्राथमिकताक सङ सम्प्रेषण कएल गेल बतौलैन । सरकारक काम कारबाहीसम्बन्धी सूचना आ गतिविधि एकद्वार प्रणालीमार्फत प्रवाह करबाक प्रबन्धके लेल संचारमन्त्रीसमक्ष ओसभ आग्रह केलैन ।
राष्ट्रिय समाचार समिति (रासस) के प्रधानसम्पादक उत्तम सिल्वाल निर्वाचन, सुशासन आ जेनजीके भावना अनुसार समाचार सामग्रीकेँ रासस प्राथमिकताक सङ सम्प्रेषण क रहल बतालैन । राससके प्रमुख समाचारदाता नारायण प्रसाद न्यौपाने सरकारी निकायक सूचना पहुँच सहज आ जेनजी सहिद तथा घायल भेल व्यक्तिसभक विषयवस्तुकेँ प्राथमिकताक सङ सम्प्रेषण करबाक प्रतिबद्धता व्यक्त केलैन ।
गोरखापत्र संस्थानक निमित्त प्रधानसम्पादक जुनारबाबु बस्नेत निर्वाचनक वातावरण बनाबएजँका विषयवस्तु, सुशासन आ जेनजीके विषयकेँ समाचार सामग्रीमे प्राथमिकता देल गेल बतौलैन ।
सार्वजनिक सेवा प्रसारण नेपाल, नेपाल टेलिभिजनक समाचार महाशाखा प्रमुख पुष्पहरि क्याम्प राई परिवर्तित सन्दर्भमे बेसी सचेत आ संवेदनशील भ क काज भ रहल जानकारी देलैन । (रासस)
